Frá vinstri: Hilmar Snær Hálfdánarson (1934-2015), Garðar Óskarsson (1929-2010), Magnús Jónsson (1913-2007), Hörður Húnfjörð Pálsson (1933-2015) og Kjartan Trausti Sigurðsson (1939-2015). Leikritið var sýnt á árunum 1958-1959. Alt Heidelberg eftir Wilhelm Meyer-Förster. Þýðandi Freysteinn Gunnarsson. Leikritið gerist á 19. öld. Þegar erfðaprins nokkur kemur til náms í Heidelberg fer allt í uppnám, ekki síst hjá vertinum sem á að hýsa hinn tigna stúdent. Fljótlega heillast prinsinn af áhyggjulausu lífi stúdentanna og þá ekki síður af stúlku sem vinnur hjá gestgjafa hans. Hann hellir sér út í skemmtanalífið, en verður frá að hverfa þegar furstinn deyr og skyldan kallar.