Þessi mynd er frá 1954, þegar úrval knattspyrnumanna frá Hamborg kom og lék við Akurnesinga eins og frægt var á sínum tíma. Það er verið að selja aðgöngumiða á völlinn við vigtarskúrinn niður við höfn. Í miðalúgunni eru Jón Ben. Ásmundsson (1930-1974) og Ólafur B. Ólafsson (1923-2015) "Í grein í Morgunblaðinu segir að lið Skagamanna hafi sigrað með 3 mörkum gegn 2 eftir að hafa sýnt hreina yfirburði í leiknum sem var einhver sá skemmtilegasti sem hér hefur sést um langan tíma. Hinir þýsku gestir Akraness fara heim með 2 sigra, eitt jafntefli við Skagamenn og eitt tap."