Þeim félögum Þór Magnússyni og Sigurði Vésteinssyni var veitt sérstök viðurkenning fyrir áratuga starf að björgunarmálum. Þeir gengu báðir í björgunarsveit á unglingsárum og hafa starfað óslitið og ötullega síðan. 21. september 2005 tók Björgunarfélag Akraness formlega í notkun nýtt húsnæði að Kalmansvöllum 2 og nýjan harðbotna björgunarbát sem við þetta tækifæri var gefið nafn. Myndin er tekin við þá athöfn.